Abuzərov Əsgər Məmmədağa oğlu

     Əsgər Məmmədağa oğlu Abuzərov 1964-cü il mart ayının 29-da Bakı şəhərinin Binəqədi qəsəbəsində anadan olmuşdur. Əslən Novxanı kəndindəndirlər. 1981-ci ildə M.Hüseynzadə adına Novxanı kənd orta məktəbini bitirib Novxanı üzümçülük sovxozunda fəhlə işləyib.

     1982-ci ildə Sovet ordusu sıralarında hərbi xidmətə çağırılan Əsgər Arxangelskdə qulluq edib. Həmin il ailənin qapısını qara xəbər döyür – Əsgərin böyük qardaşı, Qazaxıstanda hərbi xidmətdə olan Əfqan uçmuş binanın divarları altında qalıb həlak olur.

     1984-cü ildə hərbi xidmətini başa vuran Əsgər Novxanı kəndinə qayıdaraq uzun müddət kənd sovxozunda fəhlə işləyib.

     1993-cü ildə Abşeron batalyonunun tərkibində könüllü cəbhəyə gedən Əsgər Beyləqan istiqamətində bir sıra hərbi əməliyyatlarda iştirak edir. Həmin il dekabrın ayının 10-da döyüş zamanı ŞƏHİD olur.

     Məzarı Novxanı kənd qəbristanlığındadır.

     Ayşən adlı bir qız yadigarı var.