Axund Əbil (XIX əsr) sərdabəsi

        Novxanı qəbirstanlığında qəbirlərlə əhatə olunmuş bu sərdaba memarlıq baxımından gözəl tikinti obyektlərindən biridir. Başqa sərdabələrdən fərqli olaraq kürsü üzərində tikilib. Giriş hissəsi qabağa çıxmış kəsişən tacla nəzəri cəlb edir və hətta sərdabənin tarixini qoruyub saxlaylb. Səkkiz bucaqlı piramida şəkilli günbəzlə tamamlanır. Abşeronda  səkkiz bucaqlı çadıra bənzər günbəzlə tamamlanmış sərdaba nadir tapıntıdır. Ölçüləri 3.80 x 3.80m. Sərdabə memarlıq kompozisiya baxımından da qeyri-adi görünür. Sərdabə təxminən 1850-1870-ci illərdə tikilib. Orada kəndin axundu Axund Əbil dəfn olunub.

                                                             Nəriman Qəhrəmanlı