Hüsniyyə Cərulla qızı

    1910-cu ildə Novxanı kəndində fəhlə ailəsində anadan olub.

     8 yaşında ikən anasını itirib. Erkən yaşında ailə qurub. Buna baxmayaraq, o, təhsilini davam etdirib. Pedaqoji ali məktəbi bitirdikdən sonra müəllim işləyib. Hüsniyyə xanımın maarifçilik sahəsindəki təmənnasız işini Novxanı kəndinin yaşlı sakinləri razılıqla xatırlayırlar. O, qızlar arasında savadsızlığı aradan qaldırmaq  üçün evlərə gedir, onlara evdə dərs deyirdi. Bu fədakar ziyalı qadınlara dərs deməklə yanaşı, öz təhsilinin də artırılmasını unutmurdu. Bakı Dövlət Universitetinin hüquq fakultəsinə qəbul edilir və buranı uğurla bitirir.

    Müxtəlif vaxtlarda onu Gəncə, Qazax, Ağstafa rayonlarında xalq hakimi təyin edirlər. 1946-cı ildə Hüsniyyə xanım Bakının Oktyabr rayonunun xalq hakimi vəzifsinə irəli çəkilir. Eyni zamanda Ali məhkəmənin üzvü seçilir. 60-cı ilin əvvəllərindən ömrünün axırına qədər Bakının Binəqədi, Oktyabr və Nərimanov rayonlarında Dövlət Notariat idarəsində işləyib.

     1974-cü ildə vəfat edib.

İlqar