Əliyev Əsgər Abbasəli oğlu

     Əsgər Abbasəli oğlu Əliyev 1976-cı il iyunun 17-də Novxanı kəndində anadan olmuşdur. Valideynləri əslən Yardımlı rayonundan idilər və sonralar Abşeron rayonuna köçüblər.

     Əsgər ailədə böyüyən beş qardaş, iki bacının kiçiyi, evin sonbeşiyi idi. Məktəbə də Novxanı kəndində getmiş və 1992-ci ildə M. Hüseynzadə adına kənd məktəbinin səkkizinci sinfini bitirmişdi.

     1994-cü il sentyabrın 5-də hərbi xidmətə çağırılmış, altı aylıq təlimdən sonra Tərtər rayonundakı ˝N˝ hərbi hissəsinə göndərilmişdir.

     1995-ci il aprelin 24-də Tərtər rayonunun Ağkənd kəndində qarovulda dayanarkən ermənilərin qəfil hücumu zamanı Əsgər boynundan ağır güllə yarası alır və bu yara ilə də aprelin 29-da dünyasını dəyişir.

     Novxanı kənd qəbristanlığında dəfn edilmişdir.

     Əsgər Əliyevin adı əbədiləşdirilmiş, Novxanı kədinin küçələrindən birinə onun adı verilmişdir.